KORREKSION PEDAGOGIKA VA UNING BUGUNGI KUNDAGI AHAMIYATI

Abstract

Mazkur ishda korreksion pedagogika fanining mazmuni, maqsadi, vazifalari hamda zamonaviy islohotlar jarayonidagi ahamiyati yoritilgan. Korreksion pedagogika — alohida ta’lim ehtiyojlariga ega bo‘lgan bolalarni o‘qitish, tarbiyalash, rivojlantirish va ijtimoiylashuvini ta’minlaydigan ilmiy-pedagogik yo‘nalish hisoblanadi. Annotatsiyada O‘zbekiston Respublikasida inklyuziv ta’limni rivojlantirish, bolalar uchun qulay ta’lim muhiti yaratish, maxsus pedagog kadrlar tayyorlash hamda reabilitatsiya va korreksion xizmatlarni modernizatsiya qilish bo‘yicha amalga oshirilayotgan chora-tadbirlarning dolzarbligi asoslab berilgan. Ishda shuningdek, Prezident tomonidan ta’limda tenglik, imkoniyati cheklangan bolalarning huquqiy himoyasi va ularning sifatli ta’limga bo‘lgan kirish imkonini kengaytirish borasidagi strategik vazifalar yoritilgan. Mazkur ilmiy ish korreksion ta’limning nazariy asoslari, amaliy mexanizmlari va ijtimoiy ahamiyatini ochib berishi bilan ahamiyatlidir.