TAʼLIM TIZIMIDA PSIXOLOGLARNING IJOBIY FAOLLIGI, UNING AHAMIYATI

Abstract

Bugungi kunda taʼlim tizimida olib borilayotgan islohotlar, yangicha
yondashuvlar va talabalarga nisbatan bo„lgan talablar o„zgarib borayotgan bir vaqtda, taʼlim
muassasalaridagi psixologlarning ijobiy faolligi nihoyatda muhim o„rin egallamoqda.
Mazkur maqolada aynan taʼlim tizimida faoliyat olib borayotgan psixologlarning roli,
ularning kundalik amaliyotdagi faoliyati va bu faoliyatning ijtimoiy ahamiyati haqida fikr
yuritiladi.
Maqolada psixologik xizmat sifatini oshirishning dolzarb jihatlari, ayniqsa,
innovatsion va ijodiy yondashuvlarni amaliyotga tatbiq etish zarurligi alohida ta‟kidlanadi.
Psixologlar faoliyatida ijodkorlikni qo„llab-quvvatlash, zamonaviy usullarni ishga solish
orqali o„quvchilar bilan yanada chuqurroq ishlash imkoniyati yuzaga keladi. Chunki har bir
bola o„ziga xos dunyoqarashga ega bo„lgan individual shaxsdir. Demak, unga yondashuv
ham o„ziga xos bo„lishi lozim.
Maqolada, shuningdek, voyaga yetmaganlarda xulq-atvor ogʻishuvlarini erta aniqlash
va psixologik korreksiya orqali bartaraf etish, taʼlim muhitida uchraydigan zoʻravonlik
holatlarining oldini olish hamda ularni kamaytirishga qaratilgan samarali usullar haqida
so„z yuritiladi. Shuningdek, ota-onalar bilan doimiy va samarali hamkorlik mexanizmlarini yaratish, bolalarning ruhiy holatini yaxshilashdagi asosiy omil sifatida ko„rsatiladi. Maktab
va oila o„rtasida mustahkam aloqaning mavjudligi bola tarbiyasida muvozanatni
ta‟minlashga xizmat qiladi.
Yakuniy xulosada esa, psixologlarning ijobiy faolligi ta‟lim sifati, o„quvchilarning
ruhiy holati va umuman olganda jamiyatdagi sog„lom avlodni shakllantirishdagi o„rni
yoritiladi. Psixologlarning zamonaviy, innovatsion va shaxsga yo„naltirilgan faoliyati
nafaqat o„quvchilarning muvaffaqiyatiga, balki ta‟lim muassasasining umumiy muhitiga
ham bevosita ta‟sir ko„rsatadi, degan fikr ilgari suriladi.