OILAVIY NIZOLAR, AJRALISH VA UNING SABABLARI

Abstract

Oilaviy nizolarning eng xarakterli jihatlaridan biri er va xotin o'rtasidagi ziddiyatdir. Xo’sh, bir-birini ezgu niyat bilan sevib, oila qurayotgan yoshlar, nega oila qurgandan keyin o’zaro munosabatlarida nizolar kelib chiqadi? Nega ular urushadi? Umuman, janjal va janjalsiz turmush qurish mumkinmi? Bunday savollarni yana ko'p davom ettirish mumkin. Xalqimizda rizqsiz uy bo'ladi, nizosiz uy bo'lmaydi degan naql bor. Faqat ziddiyat mojarodan farq qiladi. Buni quyida batafsil muhokama qilamiz. Darhaqiqat, bolaligidan ko’p ertak eshitgan, keyinchalik ularni turli

kitoblardan o’qib chiqqan yoshlarning kelajakdagi oilaviy hayotini yetarlicha tasavvur etishi qiyin. Chunki ertaklarda ham, kinolarda ham qahramonlar bir-biriga yetib borguncha mashaqqat va mashaqqatlardan o’tadi, yo’lda uchragan qora kuchlarni yengib, nihoyat g’alabaga erishadi, «qirq kechayu qirq kun» berib, o’z maqsadiga erishadi. Deyarli barcha ertaklar, filmlar ayniqsa, yoshlarimiz, qizlarimiz sevib tomosha qiladigan hind filmlari aksariyat hollarda shu tarzda tugaydi. Siz ham bunga ko'p marotaba guvoh bo'lgansiz.