INGLIZ TILINI O‘QITISHDA QO‘LLANILADIGAN SUN’IY INTELLEKT DASTURLARINING TURLARI VA XUSUSIYATLARI

Abstract

Ushbu tezis ingliz tili o‘qitishda sun’iy intellekt (AI) dasturlarining turlari va pedagogik xususiyatlarini o‘rganishga bag‘ishlangan. Tadqiqot AI dasturlarining chatbotlar, nutqni tahlil qiluvchi tizimlar va individual mashqlar yaratish vositalari kabi asosiy turlarini aniqlaydi. Shuningdek, dasturlarning o‘quvchilarning nutqiy ko‘nikmalarini rivojlantirishdagi samaradorligi, individual yondashuvni ta’minlash va interaktiv mashqlar yaratish imkoniyatlari tahlil qilinadi. Tadqiqot natijalari shuni ko‘rsatdiki, AI dasturlari pedagogik jarayonda o‘qituvchining ishini qo‘llab-quvvatlaydi, xatolarni tuzatadi va o‘quvchilarni mustaqil ishlashga rag‘batlantiradi. Bu ish AI dasturlarini ingliz tili o‘qitish jarayonida samarali qo‘llash bo‘yicha tavsiyalar beradi.